Мадрид «Реал» янги юлдузини танлади - у «Челси» ярим ҳимоячиси Энцо Фернандес бўлди
Расм: gettyimages.com Энцо Фернандес
Аргентинадаги Siempre Con Argentina агентлиги хабар беришича, Мадриднинг «Реал» клуби ёзги трансфер ойнасида жамоанинг ярим ҳимоя чизиғини кучайтиришни режалаштирмоқда. Манба маълумотларига кўра, мадридликлар Аргентина терма жамоаси ва Лондоннинг «Челси» клуби ярим ҳимоячиси Энцо Фернандесга катта қизиқиш билдирмоқда.
«Реал» президенти Флорентино Перес 24 ёшли ярим ҳимоячини ёзда харид қилишга қатъий қарор қилган. Фернандеснинг «Челси» билан амалдаги шартномаси 2032 йилнинг ўрталаригача давом этади. Transfermarkt портали мутахассисларига кўра, футболчининг бозор баҳоси 75 миллион еврога тенг.
Жорий мавсумда Фернандес «Челси» сафида барча мусобақаларда 33 та ўйин ўтказиб, 5 та гол ва 8 та голли пас муаллифи бўлди.
Бакрадзе Иман
Редактор
