Льюис Ҳэмилтон Буюк Британия Гран-присида фаолиятини якунлайди — манба
Формула-1 бўйича етти карра жаҳон чемпиони, 41 ёшли британиялик пойгачи Льюис Ҳэмилтон 2026 йилги Буюк Британия Гран-присида фаолиятини якунлашини эълон қилади. Бу ҳақда нидерландиялик журналист Луис Деккер хабар бермоқда.
«Сильверстоунда Льюис Ҳэмилтон муҳим баёнот билан чиқиш қилади. Назаримда, Ҳэмилтон 2026 йилги мавсумдан сўнг ўз фаолиятини якунлашини эълон қилади», — деди Деккер.
Маълумот учун, Льюис Формула-1'да 2006 йилдан буён иштирок этиб келмоқда. У ўз дебютини Британнинг «Макларен» жамоаси сафида амалга оширган ва 2008 йилда илк чемпионлигини айнан шу жамоада қўлга киритган. 2013 йилдан бошлаб Ҳэмилтон «Мерседес» шарафини ҳимоя қилиб, яна олти чемпионлик унвонига эга чиқди. 2025 йилдан эса британиялик пойгачи «Феррари» жамоаси аъзосига айланади.
