Лукман мураббий билан можаро сабаб «Аталанта»ни тарк этиши мумкин

«Аталанта» ҳужумчиси Адемола Лукман жамоа бош мураббийи Иван Юрич билан келишмовчилик сабаб клубни тарк этиши мумкин. Бу ҳақда Calciomercato нашри хабар бермоқда.

Манбага кўра, нигериялик футболчи ва мураббий ўртасидаги можаро Чемпионлар лигаси гуруҳ босқичининг 4-туридан ўрин олган «Марсель»га (1:0) қарши ўйинда юз берган.

75-дақиқада заҳирага олинган Лукман мураббийга норози оҳангда ниманидир айтгач, Юрич унинг қўлидан ушлаб, унга кескин жавоб қайтарган. Уларни ажратишга мураббийлар штабидаги бир ходим аралашган.

Маълумот учун, Лукман жорий мавсум барча турнирларда 9 та ўйинда майдонга тушиб, 1 та гол муаллифлигига эришди. Унинг Transfermarkt’даги нархи 40 миллион евроға баҳоланмоқда.

Насрулло Каримов

Журналист