Лукакунинг қанча вақтга сафдан чиққанлиги маълум бўлди
Фото: Getty Images
Бельгия терма жамоаси ва “Наполи” ҳужумчиси Ромелу Лукаку жароҳати сабаб қанча муддат майдонга туша олмаслиги маълум бўлди. Бу ҳақда Sky Italia нашри хабар бермоқда.
Манбага кўра, 32 ёшли футболчи жарроҳлик амалиётини ўтказмайди, бироқ унинг тикланиши учун 3-4 ой керак бўлади.
Ўтган мавсум у неаполликлар сафида 38 та ўйинда майдонга тушиб, 14 та гол урди ва 11 та голли узатмани амалга оширди. Унинг Transfermarkt'даги нархи 22 миллион еврога баҳоланмоқда.
“Наполи” ҳозирда Лукаку ўрнига бошқа ҳужумчи изламоқда ва бир нечта номзодларни ўрганиб чиқмоқда.
Розикжон Султонмуродов
Журналист