Лукакунинг қачон сафга қайтиши маълум бўлди
Бельгиялик ҳужумчи август ойи ўрталарида жароҳат олганди.
ФОТО: Getty Images
«Наполи» ҳужумчиси Ромелу Лукаку 18 декабрь куни «Милан»га қарши бўлиб ўтадиган Италия Суперкубоги яримфиналида майдонга қайтиши мумкин. Бу ҳақда La Gazzette dello Sport нашри хабар бермоқда.
Эслатиб ўтамиз, бельгиялик форвард 14 август куни «Олимпиакос»га қарши ўртоқлик учрашувида чап сон мушакларидан жиддий жароҳат олган эди.
«Наполи» тиббиёт ходимлари футболчининг тикланиш жараёнини тезлаштириш ниятида эмас. Дастлаб Лукаку ноябрь ойи охирида майдонга қайтиши мумкинлиги айтилган бўлса-да, клуб хавфсизроқ йўлни танлаб, уни тўлиқ соғайгачгина ўйинга қайтаришга қарор қилган.
Маълумот учун, Лукаку 2024 йилдан буён «Наполи» сафида тўп сурмоқда. Унинг неаполликлар билан тузган амалдаги шартномаси 2027 йилнинг ёзида якунига етади.
Насрулло Каримов
Журналист
