Лука Модрич ЖЧ-2026дан сўнг фаолиятини якунлашга тайёр
Хорватиялик яримҳимоячи Лука Модрич 2026-йилги Жаҳон чемпионатидан кейин футболчилик фаолиятини якунлашга тайёр. Бу ҳақда инсайдер Николо Скира ижтимоий тармоқларда хабар бермоқда.
Манбага кўра, 40 ёшли футболчи майдондаги фаолиятини тугатгандан сўнг Мадриднинг «Реал» клубида лавозимлардан бирини эгаллаш бўйича жамоа билан келишувга эришиб бўлган.
Эслатиб ўтамиз, Модрич 2012-йилдан 2025-йилгача «Реал» сафида тўп сурган. Ушбу давр мобайнида у тўрт карра Испания чемпиони ва олти карра УЕФА Чемпионлар лигаси ғолибига айланган. 2018-йилда ярим ҳимоячи «Олтин тўп» мукофотини қўлга киритиб, ушбу совринга лойиқ кўрилган илк хорватиялик футболчи бўлганди.
Хорватия терма жамоаси 2026-йилги Жаҳон чемпионатида «L» гуруҳида Англия, Панама ва Гана терма жамоалари билан бирга кураш олиб боради. Хорватлар ва инглизлар ўртасидаги учрашув 16-июн кунига режалаштирилган. Жаҳон чемпионати 11-июндан 19-июлгача АҚШ, Канада ва Мексика майдонларида бўлиб ўтмоқда.