Луис Фигу Инфантинони истеъфога чиқишга чақирди
Португалия терма жамоасининг собиқ футболчиси Луис Фигу ФИФА президенти Жанни Инфантинони кескин танқид қилиб, уни ўз лавозимини тарк этишга чақирди.
“ФИФА муаммолари ҳақида 10 минг сўз ёзишим мумкин. Аммо ечим учта сўздан иборат: Инфантино кетиши керак”, — деди Фигу.
Собиқ футболчининг таъкидлашича, сўнгги кунларда ФИФА атрофида ошкор бўлган воқеалар футбол оламида у кўрган энг тубан, ёлғон ва манфаатпараст хатти-ҳаракатлардан бири бўлган.
Фигу, шунингдек, ФИФАнинг тижорий ҳуқуқларга хусусий инвесторларни жалб қилиш режаларини танқид қилди. Унинг фикрича, ташкилот футболни ривожлантириш учун етарлича катта молиявий захирага эга ва бунга хусусий сармоядорларни аралаштириш шарт эмас.
Маълумот учун, Луис Фигу 2017-йилдан буён УЕФА маслаҳатчиси сифатида фаолият юритиб келмоқда.
