Луис Энрике мураббийлик фаолиятини қачон якунламоқчи эканини айтди
«ПСЖ» бош мураббийи Луис Энрике мураббийлик фаолиятини қайси ёшгача давом эттиришни режалаштираётгани ҳақида фикр билдирди.
56 ёшли мутахассис бу масала ҳақида тез-тез ўйлашини таъкидлаб, ҳазиломуз тарзда ўз позициясини тушунтирди:
«Жуда яхши савол, чунки мен ҳам бу ҳақда ўйлайман. Мен хотинимга айтаман: “Мен ўша доим нолиб ўтирадиган қари мураббийга айланишни истамайман”. Бундай бўлишни хоҳламайман, лекин мураббийликда бундайлар кўплигини кўряпман.
Менимча, олтмиш ёшдан кейин… ҳатто ҳазил тариқасида укам Фелипега айтаман: “Мен сендан олдин нафақага чиқишим керак”. У мендан бир ёш кичик — 55 ёшда ва 61 ёшда нафақага чиқади… энди ўзинг ҳисоблаб кўр», — деди у.
Маълумот учун, Луис Энрикенинг «ПСЖ» билан амалдаги шартномаси 2027 йилгача мўлжалланган.
