Луис Энрике: «Футболчилар билан ҳазиллашишни яхши кўраман»
Луис Энрике: «Футболчилар билан ҳазиллашишни яхши кўраман»
«Пари Сен-Жермен» бош мураббийи Луис Энрике жамоа футболчилари билан ўзаро муносабатлари ҳақида гапирди.
«Кулишни, ҳазиллашишни ва футболчиларга яқин бўлишни яхши кўраман. Бу менга куч-ғайрат бағишлайди. Улар билан бир тўлқинда бўлишни, ҳазиллашиб туришни ва барча вазиятларни бирга бошдан кечиришни истайман. Баъзан Витинья менга: “Ҳозир жиддий гапиряпсизми ёки ҳазил қиляпсизми, тушунмаяпман”, дейди. Мен эса унга: “Ўзинг ҳал қил”, деб жавоб бераман. Футболчилар билан шундай муносабатда бўлиш менга ёқади», — дея испаниялик мутахассиснинг сўзларини келтиради Le Meilleur du PSG.
Луис Энрике 2023 йил ёзидан буён «ПСЖ»ни бошқариб келмоқда. У парижликлар билан бирга 13 та совринни қўлга киритган. Улар орасида Чемпионлар лигасида кетма-кет икки марта қозонилган ғалаба ҳам бор.
