Luis Enrike: «Futbolchilar bilan hazillashishni yaxshi ko‘raman»
Luis Enrike: «Futbolchilar bilan hazillashishni yaxshi ko‘raman»
«Pari Sen-Jermen» bosh murabbiyi Luis Enrike jamoa futbolchilari bilan o‘zaro munosabatlari haqida gapirdi.
«Kulishni, hazillashishni va futbolchilarga yaqin bo‘lishni yaxshi ko‘raman. Bu menga kuch-g‘ayrat bag‘ishlaydi. Ular bilan bir to‘lqinda bo‘lishni, hazillashib turishni va barcha vaziyatlarni birga boshdan kechirishni istayman. Ba’zan Vitinya menga: “Hozir jiddiy gapiryapsizmi yoki hazil qilyapsizmi, tushunmayapman”, deydi. Men esa unga: “O‘zing hal qil”, deb javob beraman. Futbolchilar bilan shunday munosabatda bo‘lish menga yoqadi», — deya ispaniyalik mutaxassisning so‘zlarini keltiradi Le Meilleur du PSG.
Luis Enrike 2023 yil yozidan buyon «PSJ»ni boshqarib kelmoqda. U parijliklar bilan birga 13 ta sovrinni qo‘lga kiritgan. Ular orasida Chempionlar ligasida ketma-ket ikki marta qozonilgan g‘alaba ham bor.
