Луис Энрике: «Биз жароҳат олган ҳар бир футболчи билан максимал даражада эҳтиёткор бўлишимиз шарт»
«ПСЖ» бош мураббийи Дембеленинг аҳволи ҳақида гапирди.
ФОТО: Getty Images
«Пари Сен-Жермен» бош мураббийи Луис Энрике вингер Усмон Дембеле тикланиш жараёни ҳақида фикр билдирди.
«Биз унинг оптимал ҳолатда қайтишини истаймиз. Бу вазият ҳам жамоа, ҳам унинг ўзи учун ноқулай. Биз Дембеле жамоага қанчалик катта фойда келтира олишини жуда яхши биламиз. Аммо ҳозирча унинг йўқлигини қабул қилишимиз ва у энг яхши ҳолатда қайтиши учун барча чораларни кўришимиз керак.
Сўнгги кунларда у бетоб бўлиб қолди, шундан кейин яна индивидуал машғулотларга қайтди — бу тикланиш жараёнининг бир қисми. Биз жароҳат олган ҳар бир футболчи билан максимал даражада эҳтиёткор бўлишимиз шарт», — деди Энрике клуб расмий сайтида эълон қилинган интервьюсида.
Бугун, 13 декабрь куни «ПСЖ» Лига 1 доирасида сафарда «Мец»га қарши майдонга тушади.
Насрулло Каримов
Журналист