Луис Диас Колумбия терма жамоасининг 60 йиллик рекордини такрорлади
Колумбия терма жамоаси вингери Луис Диас Жаҳон чемпионати гуруҳ босқичининг 1-туридан ўрин олган Ўзбекистонга қарши учрашувда (3:1) ўзига хос тарихий кўрсаткич қайд этди. Мазкур ўйинда битта гол ва битта голли узатмага муаллифлик қилган футболчи, 1966-йилдан буён ўзи учун дебют ҳисобланган ЖЧ баҳсида «гол+пас» тизимида очко ишлаган илк колумбиялик ўйинчига айланди. Бу ҳақда OptaJose таҳлилий саҳифаси X ижтимоий тармоғида хабар берди.
«К» гуруҳи 2-турида Ўзбекистон миллий терма жамоаси 23-июн куни Португалияга қарши, 3-турда эса 28-июн куни ДР Конгоға қарши майдонга тушади. Колумбия эса 2-турни 24-июн куни ДР Конгоға қарши, гуруҳдаги сўнгги ўйинини эса 28-июн куни Португалияга қарши ўтказади.
Маълумот учун, ЖЧ-2026 гуруҳ босқичи ўйинлари 11-июндан 27-июнгача давом этади. Унда жамоалар айланма тизимда (ҳар бири учтадан учрашув) ўзаро баҳс олиб боришади. Якунда ҳар бир гуруҳдан дастлабки икки ўринни эгаллаган терма жамоалар, шунингдек, учинчи ўринни банд этган энг яхши 8 та жамоа плей-офф йўлланмасини қўлга киритади.