Луис де ла Фуэнте: «Италиянинг мундиалсиз қолиши саралаш қай даражада қийинлигини кўрсатади»
Испания миллий жамоаси бош мураббийи Луис де ла Фуэнте Италия миллий жамоасининг ЖЧ-2026 йўлланмасидан қуруқ қолганига муносабат билдирди. Эслатиб ўтамиз, ҳал қилувчи плей-офф баҳсида италияликлар Босния ва Герцеговинага имкониятни бой беришган эди (1:1, пенальтилар сериясида 1:4).
«Саралаш босқичидан ўтиш — бу жуда қийин вазифа. Бу улар иштирок этмайдиган кетма-кет учинчи Жаҳон чемпионати бўлади. Бу ҳолат уларнинг кўп йиллар давомида эришган ютуқлари қай даражада қадрли эканини яна бир бор таъкидлайди», — деди де ла Фуэнте.
«Скуадра Адзурра» ўз тарихида илк бор кетма-кет учта мундиалга йўлланма ололмади. Италияликлар охирги марта 2014 йилги Жаҳон чемпионатида иштирок этган ва ўшанда гуруҳ босқичидан чиқа олмаган эди. Маълумот учун, Италия тўрт карра дунё чемпиони ҳисобланади.
