Луис де ла Фуэнте: «AI-моделлардан кўра кўпроқ инсонларга ишонаман»
Испания терма жамоаси бош мураббийи Луис де ла Фуэнте Жаҳон чемпионати фаворитларини аниқлашда сунъий интеллект моделларидан кўра кўпроқ инсонларга ишонишини маълум қилди.
«Сунъий интеллект — келажак, назаримда бу ажойиб, лекин мен инсонларга кўпроқ ишонаман. Профессионал мутахассислар ёки оммавий ахборот воситалари нима деяётганини кўпроқ қадрлайман.
Менинг фикримча, бу сафарги Жаҳон чемпионати тарихий воқеа бўлади, чунки жуда кўп жамоалар — Франция, Англия, Аргентина, Бразилия, Марокаш, Испания, Португалия, Сенегалда ғалаба учун имконият бор… Бу жуда оғир Жаҳон чемпионати бўлади, бироқ биз ҳам чемпионлик учун кураша олишимизни ҳис қилаяпмиз», — дея де ла Фуэнтенинг сўзларини келтиради Marca нашри.
Эслатиб ўтамиз, аввалроқ Opta суперкомпьютери Испания терма жамоасини ЖЧ-2026 фаворити деб атаган ва унинг чемпионлик имкониятини 16,1% га баҳолаган эди.
