Лотар Маттеус “Олтин тўп” учун Ямални Мбаппедан устун қўйди
Германия терма жамоаси ва “Бавария”нинг собиқ футболчиси Лотар Маттеус 2026-йилги “Олтин тўп” учун Ламин Ямал ва Килиан Мбаппенинг имкониятларини баҳолади. Унинг фикрича, ҳозирги вазиятда “Барселона” вингерининг совринни қўлга киритиш имконияти юқорироқ.
Маттеус Ямал бу мавсумда ўтган йилги даражасини тўлиқ намойиш эта олмаганини тан олган. Шунга қарамай, у испаниялик футболчи “Олтин тўп” учун курашда жиддий имкониятга эга эканини таъкидлаган.
Собиқ футболчининг фикрича, индивидуал кўрсаткичлардан ташқари қўлга киритилган совринлар ҳам катта аҳамиятга эга. Шу сабабли Маттеус Ямалнинг имкониятларини Мбаппенникидан юқори баҳолаган ва франциялик футболчи “Реал” ҳамда терма жамоа билан соврин ютмаганига урғу берган.
Маълумот учун, 2026-йилги “Олтин тўп”ни топшириш маросими 26-октябрь куни Лондонда бўлиб ўтади. Мукофотнинг амалдаги соҳиби — Усмон Дембеле.
