«Ливерпуль» «Ювентус»нинг Алиссон трансфери бўйича позициясидан норози
«Ювентус» клуби «Ливерпуль» дарвозабони Алиссон Бекер билан шахсий шартнома шартлари бўйича келишувга эришди. Энди Турин клуби мерсисайдликлар билан потенциал трансфер шартларини келишиб олиши керак. Бу ҳақда Calciomercato нашри хабар бермоқда.
Манбанинг маълумотларига кўра, «қизил иблислар» 33 ёшли посбоннинг трансфери учун 10-15 миллион евро талаб қилмоқда, «Ювентус» эса бу суммани камайтиришни ёки уни бутунлай йўққа чиқаришни истаяпти. Таъкидланишича, Алиссоннинг ўзи «кекса синьора» сафида ўйнашга тайёрлиги туринликлар фойдасига хизмат қилмоқда. Шу билан бирга, «Ливерпуль» италияликларнинг ушбу талабидан «ғазабда».
Италия гранди бразилиялик дарвозабонга солиқлардан ташқари йилига 5-6 миллион евро маош билан икки ёки уч йиллик шартнома таклиф қилишга тайёр.
Жорий мавсумда Алиссон барча турнирлар доирасида 34 та ўйинда иштирок этиб, уларнинг 13 тасида ўз дарвозасини дахлсиз сақлаб қолди. Футболчининг клуб билан амалдаги шартномаси 2027 йилнинг ёзигача мўлжалланган. Transfermarkt портали берган маълумотларга кўра, футболчининг бозор қиймати 17 миллион еврони ташкил этади.
