“Ливерпул” яна бир етакчи футболчиси билан шартномани узайтиради - Романо
ФОТО: Getty Images
“Ливерпул”нинг голландиялик ҳимоячиси Виржил ван Дейк мерсисайдликлар билан 2027-йилнинг ёзигача мўлжалланган янги шартнома имзолайди. Бу ҳақда Фабрицио Романо хабар бермоқда.
Ван Дейк жорий мавсум АПЛда 31 та ўйинда майдонга тушиб, битта гол урди ва битта голли узатмани амалга оширди. 33 ёшли ҳимоячи 2018-йилдан буён “қизиллар” сафида ўйнаб келмоқда.
Эслатиб ўтамиз, аввалроқ “Ливерпул” 32 ёшли мисрлик ҳужумчи Муҳаммад Салоҳ билан шартномани узайтирганини эълон қилганди.
Насрулло Каримов
Журналист
