«Ливерпуль» Винисиусни текинга қўлга киритмоқчи
Бразилиялик футболчининг «Реал» билан янги шартнома борасидаги музокаралари ҳали якунга етмаган.
ФОТО: Getty Images
Испаниянинг De Mon нашри хабарига кўра, Англиянинг «Ливерпуль» клуби «Реал Мадрид» вингери Винисиус Жуниорнинг шартнома ҳолатини диққат билан кузатмоқда. Мерсисайдликлар бразилиялик футболчини келажакда эркин агент сифатида ўз сафига қўшиб олиш имкониятини кўриб чиқмоқда.
Манбага кўра, Винисиуснинг «Реал» билан янги шартнома борасидаги музокаралари ҳозирча якунга етмаган. Агар томонлар келиша олмаса ва футболчи амалдаги битимини узайтирмаса, у шартнома муддати тугагач Мадрид клубини эркин агент сифатида тарк этиши мумкин.
«Ливерпуль» эса айнан шу вазиятдан фойдаланишни режалаштирмоқда. Бироқ ҳозирча бу борада расмий музокаралар ёки келишув мавжуд эмас. Гап фақат клубнинг футболчи ҳолатини кузатаётгани ҳақида кетмоқда.
Насрулло Каримов
Журналист