“Ливерпуль” ва “Манчестер Сити” Алессандро Бастонига қизиқмоқда
“Интер” марказий ҳимоячиси Алессандро Бастони Англия Премьер-лигасининг бир қатор гранд клублари эътиборига тушди. “Ливерпуль”, “Манчестер Сити” ва “Челси” 27 ёшли италиялик футболчининг ҳолатини кузатиб бормоқда. Бу ҳақда TEAMtalk хабар бермоқда.
Манбага кўра, “Ливерпуль” Бастонини келажакда ҳимоя чизиғини кучайтириш учун асосий вариантлардан бири сифатида кўрмоқда. “Манчестер Сити”нинг қизиқиши эса Рубен Диаш жамоани тарк этадиган тақдирда янада кучайиши мумкин. “Барселона” ҳам италиялик футболчини кузатишда давом этмоқда.
“Интер” ўзининг асосий ҳимоячиларидан бирини сотишга шошилмаяпти. Хабарларга кўра, миланликлар Бастони учун тахминан 70 миллион фунт талаб қилиши мумкин. Футболчининг Transfermarkt’даги бозор қиймати эса 65 миллион еврога баҳоланган.
Маълумот учун, Бастонининг “Интер” билан амалдаги шартномаси 2028-йил ёзигача мўлжалланган. Италиялик ҳимоячи Премьер-лигага кўчиб ўтиш вариантига қарши эмаслиги ҳам айтилмоқда.
