«Ливерпуль» ва «Челси» эквадорлик ҳимоячига қизиқиш билдирмоқда
Шунингдек, «Ман Сити» ва «Тоттенхэм» ҳам вазиятни кузатиб бормоқда.
ФОТО: Getty Images
Сўнгги ҳафталарда «Ливерпуль» ва «Челси» клублари Эквадор миллий жамоаси ҳамда «Брюгге» ҳимоячиси Хоэл Ордонеснинг вакиллари билан боғланиб, футболчини январ ойида трансфер қилиш имкониятини муҳокама қилган. Бу ҳақда TEAMtalk нашри хабар берди.
Манбага кўра, 21 ёшли футболчига сўнгги пайтларда «Манчестер Сити» ва «Тоттенхэм» клублари ҳам қизиқиш билдирган.
Жорий мавсумда Ордонес барча мусобақалар доирасида 18 та ўйинда майдонга тушиб, битта гол муаллифи бўлган. Унинг амалдаги шартномаси 2029 йил ёзигача мўлжалланган. Transfermarkt порталидаги маълумотларга кўра, футболчининг бозор қиймати 28 миллион еврони ташкил этади.
Насрулло Каримов
Журналист