«Liverpul» va «Chelsi» ekvadorlik himoyachiga qiziqish bildirmoqda
Shuningdek, «Man Siti» va «Tottenhem» ham vaziyatni kuzatib bormoqda.
FOTO: Getty Images
So‘nggi haftalarda «Liverpul» va «Chelsi» klublari Ekvador milliy jamoasi hamda «Bryugge» himoyachisi Xoel Ordonesning vakillari bilan bog‘lanib, futbolchining yanvar oyida transfer qilish imkoniyatini muhokama qilgan. Bu haqda TEAMtalk nashri xabar berdi.
Manbaga ko‘ra, 21 yoshli futbolchiga so‘nggi paytlarda «Manchester Siti» va «Tottenhem» klublari ham qiziqish bildirgan.
Joriy mavsumda Ordones barcha musobaqalar doirasida 18 ta o‘yinda maydonga tushib, bitta gol muallifi bo‘lgan. Uning amaldagi shartnomasi 2029 yil yozigacha mo‘ljallangan. Transfermarkt portalidagi ma’lumotlarga ko‘ra, futbolchining bozor qiymati 28 million yevroni tashkil etadi.
Nasrullo Karimov
Jurnalist