“Ливерпуль” спорт директори Ричард Хьюз клубни тарк этди
“Ливерпуль” спорт директори Ричард Хьюз ўз лавозимини тарк этди. Инглиз клуби 47 ёшли шотландиялик мутахассис фаолиятида янги чақириқни қабул қилиш истагини билдирганини расман маълум қилди.
Хьюз “Ливерпуль”да 2024-йилдан буён ишлаб келаётган эди. У Юрген Клопп кетганидан кейинги ўтиш даврида клубнинг спорт йўналишидаги муҳим қарорларида иштирок этди ва Арне Слотнинг бош мураббий этиб тайинланишида ҳам катта роль ўйнади.
Шунингдек, Хьюз клубнинг сўнгги йиллардаги трансфер сиёсатини бошқарган. Унинг фаолияти давомида Флориан Вирц, Александер Исак ва бошқа қатор йирик трансферлар амалга оширилди. Ҳозирда мутахассис Саудия Арабистонининг “Ал-Ҳилол” клубида иш бошлаши мумкинлиги ҳақида хабарлар тарқалмоқда.
Маълумот учун, Хьюз “Ливерпуль”га келишидан аввал қарийб 10 йил давомида “Борнмут”да техник директор лавозимида ишлаган. “Ливерпуль” эса унинг ўрнига янги спорт директори қидиришни бошлаган.
