«Ливерпул» сўнгги 72 йилдаги энг ёмон натижасини қайд этди

Англиянинг «Ливерпул» клуби Чемпионлар лигаси доирасида «ПСВ»дан 1:4 ҳисобида мағлуб бўлиб, клуб тарихидаги нохуш рекордни такрорлади. Бу ҳақда Opta Sport маълум қилди.

Манбага кўра, «Ливерпул» 1953 йилдан бери илк бор барча мусобақаларда кетма-кет учта ўйинда камида учта тўп фарқи билан ютқазмоқда.

«ПСВ»га қадар ҳам мерсисайдликлар Премьер-лигада кетма-кет икки бор йирик ҳисобда мағлуб бўлишган эди — «Ноттингем Форест» ва «Манчестер Сити»га қарши ўйинлар бир хил 0:3 ҳисобида якунланган.

Тарихда охирги марта бундай ҳолат 1953 йилнинг декабрида кузатилган. Ўша пайтда «Ливерпул» кетма-кет учта учрашувда йирик ҳисобда мағлуб бўлган: «Портсмут» — 1:5, «Манчестер Юнайтед» — 1:5, «Вест Бромвич» — 2:5.

Насрулло Каримов

Журналист