«Liverpul» soʻnggi 72 yildagi eng yomon natijasini qayd etdi

Angliyaning «Liverpul» klubi Chempionlar ligasi doirasida «PSV»dan 1:4 hisobida mag‘lub bo‘lib, klub tarixidagi noxush rekordni takrorladi. Bu haqda Opta Sport ma’lum qildi.

Manbaga ko‘ra, «Liverpul» 1953 yildan beri ilk bor barcha musobaqalarda ketma-ket uchta o‘yinda kamida uchta to‘p farqi bilan yutqazmoqda.

«PSV»ga qadar ham mersisaydliklar Premyer-ligada ketma-ket ikki bor yirik hisobda mag‘lub bo‘lishgan edi — «Nottinhem Forest» va «Manchester Siti»ga qarshi o‘yinlar bir xil 0:3 hisobida yakunlangan.

Tarixda oxirgi marta bunday holat 1953 yilning dekabrida kuzatilgan. O‘sha paytda «Liverpul» ketma-ket uchta uchrashuvda yirik hisobda mag‘lub bo‘lgan: «Portsmut» — 1:5, «Manchester Yunayted» — 1:5, «Vest Bromvich» — 2:5.

Nasrullo Karimov

Jurnalist