«Ливерпуль» Слот ўрнига Ираола номзодини ўрганиб чиқмоқда – манба
Испаниялик мутахассиснинг “Борнмут” билан шартномаси келаси ёзда якунига етади.
ФОТО: Getty images
“Ливерпуль” клуби бош мураббий Арне Слотнинг эҳтимолий кетиши ҳолатида унинг ўрнига асосий номзод сифатида Андони Ираолани кўриб чиқмоқда. Бу ҳақда журналист Санти Ауна хабар берди.
Манбага кўра, испаниялик мутахассиснинг “Борнмут” билан шартномаси келаси ёзда якунига етади. Уни «Ливерпуль»га олиб келиш масаласида клуб спорт директори Ричард Хьюз фаол иш олиб бормоқда.
Таъкидланишича, мерсисайдликларни Ираоланинг ўйин услуби ўзига жалб қилмоқда.
Айни пайтда Англия чемпионатида 37 турдан сўнг “Борнмут” 56 очко билан 6-ўринда бормоқда. “Ливерпуль” эса 59 очко жамғариб, 5-поғонадан жой олган.
Розикжон Султонмуродов
Журналист
