«Ливерпуль» Шадени нишонга олди
Англиянинг «Брентфорд» клубида ҳужумкор ярим ҳимоячи сифатида ўйнайдиган Кевин Шаде яқинлашиб келаётган январь ойидаги трансферлар ойнасида «Ливерпуль» футболчисига айланиши мумкин. Бу ҳақда TEAMtalk хабар берди.
Манба маълумотига кўра, Мерсисайд клуби раҳбарияти иқтидорли вингерни сотиб олиш имкониятини ўрганмоқда. Шадега қизиқиш мавсумни жуда яхши бошлаганидан сўнг пайдо бўлган. У чемпионатнинг дастлабки бешта учрашувида учта гол урган ва бу «Ливерпуль» скаутларининг эътиборини тортган.
24 ёшли германиялик футболчининг Transfermarkt порталидаги қиймати 35 миллион евро деб баҳоланган. Унинг «Брентфорд» билан шартномаси 2028 йил июнига қадар амал қилади.
Айни пайтда «Ливерпуль» АПЛ турнир жадвалида 9 очко билан олтинчи ўринда бормоқда. «Брентфорд» ҳам 9 очко жамғарган ҳолда тўртинчи поғонани эгаллаб турибди.
