«Ливерпул» Семенио бўйича музокараларни бошлади
Унинг клуб билан шартномаси 2030 йилгача мўлжалланган.
ФОТО: Getty images
“Ливерпуль” “Борнмут” футболчиси Антуан Семенио бўйича музокараларни бошлагани айтилмоқда. Бу ҳақда The iPaper хабар берди.
Маълум қилинишича, мерсисайдликлар уни қишдаёқ ўз сафига қўшиб олиш вариантини кўриб чиқмоқда.
Сабаби, Муҳаммад Салоҳ Африка Миллатлар Кубогига йўл олади ва бу вақтда унинг ўрнини боса оладиган номзод керак бўлади.
Ганалик футболчининг шартномасидаги товон пули миқдори 65 миллион евродан 60 миллион еврога тушади.
Семенио бу мавсум барча мусобақаларда 12 та ўйинда майдонга тушиб, 6 та гол ва 3 та ассист қайд этди. Унинг клуб билан шартномаси 2030 йилгача мўлжалланган. Transfermarkt маълумотига кўра, 22 ёшли футболчининг нархи 55 миллион еврони ташкил этади.
Розикжон Султонмуродов
Журналист