«Ливерпуль» Саудия клубларининг босимига қарамай Салоҳни сотишни режалаштирмаяпти
Мисрлик форварднинг мерсисайдликлар билан тузган амалдаги шартномаси 2027 йилнинг ёзида якунига етади.
ФОТО: Getty Images
«Ал Ҳилол», «Ал Қодисия» ва «Неом» клублари «Ливерпуль»нинг қаноат ҳужумчиси Муҳаммад Салоҳга жиддий қизиқиш билдирмоқда. Бу ҳақда talkSPORT хабар берди.
Манбага кўра, Саудия клубларининг босимига қарамай, мерсисайдликлар 33 ёшли футболчини сотишни режалаштирмаяпти ва унинг 2027 йил ёзигача амал қиладиган шартномаси охиригача жамоада қолишини истамоқда.
Саудия Арабистонида Салоҳни чемпионатнинг янги юзи сифатида кўришмоқда. У Криштиану Роналдудан кейин лига глобал оммавийлигини ушлаб тура оладиган футболчи сифатида баҳоланмоқда. Роналдунинг «Ан Наср» билан шартномаси ҳам 2027 йилда якунланади.
Аввалроқ, Салоҳ бош мураббий Арне Слот билан муносабатлари ёмонлашгани ҳақида очиқ гапирганди.
Насрулло Каримов
Журналист