«Ливерпуль» Салоҳни вақтинча жамоадан четлатмоқчи
«Ливерпуль» раҳбарияти ва бош мураббий Арне Слот ҳужумчи Муҳаммад Салоҳни «қисқа муддатга жамоа ишларидан четлаштириш» масаласини кўриб чиқмоқда. Бу ҳақда инсайдер Фабрицио Романо хабар берди.
Мерсисайд клуби раҳбарлари бу қарорда мураббий томонини қўллаб-қувватламоқда ва жамоада тартибни сақлашни мақсад қилмоқда. Футболчи эса, Чемпионлар Лигаси доирасидаги «Интер»га қарши ўйинга аризага киритилмаган бўлишига қарамай, яқинлашиб келаётган ўйинга тайёргарлик сифатида машғулотларда иштирок этди.
Аввалроқ, Миср вакили жамоадаги ўрнидан норози бўлиб, Слотни кескин танқид қилган эди.
Жорий мавсумда Салоҳ «Ливерпуль» сафида 19 ўйинда майдонга тушиб, бешта гол урди ва учта самарали узатма берди. Футболчининг клуб билан амалдаги шартномаси 2027 йил ёзигача мўлжалланган.
