«Liverpul» Salohni vaqtincha jamoadan chetlatmoqchi
«Liverpul» rahbariyati va bosh murabbiy Arne Slot hujumchi Muhammad Salohni «qisqa muddatga jamoa ishlaridan chetlashtirish» masalasini ko‘rib chiqmoqda. Bu haqda insayder Fabrizio Romano xabar berdi.
Mersisayd klubi rahbarlari bu qarorda murabbiy tarafini qo‘llamoqda va jamoada tartibni saqlash maqsad qilinmoqda. Futbolchi esa, Chempionlar Ligasi doirasidagi «Inter»ga qarshi o‘yinga arizaga kiritilmagan bo‘lishiga qaramay, yaqinlashib kelayotgan o‘yinga tayyorgarlik sifatida mashg‘ulotlarda ishtirok etdi.
Avvalroq, Misr vakili jamoadagi o‘rnidan norozi bo‘lib, Slotni keskin tanqid qilgan edi.
Joriy mavsumda Saloh «Liverpul» safida 19 o‘yinda maydonga tushib, beshta gol urdi va uchta samarali uzatma berdi. Futbolchining klub bilan amaldagi shartnomasi 2027 yil yozigacha mo‘ljallangan.
