«Ливерпуль» ПСЖдан олдин Аклиушни қўлга киритмоқчи
24 ёшли вингернинг ўзи ҳам жамоасини ўзгаришга қарши эмас.
ФОТО: Getty Images
«Ливерпуль» «Монако»нинг иқтидорли вингери Магнес Аклиуш трансфери учун курашга қўшилди. Sky Sports хабарига кўра, мерсисайдликлар футболчи бўйича дастлабки алоқаларни ўрнатиб, уни ПСЖдан олдин ўз сафига қўшиб олиш имкониятини ўрганмоқда.
Аввалроқ ПСЖ «Монако»га 40 миллион евро миқдорида таклиф юборган, бироқ бу таклиф рад этилган. Шунга қарамай, парижликлар футболчи билан шахсий шартлар бўйича келишувга яқин экани айтилмоқда.
24 ёшли француз вингернинг ўзи ҳам ёзда клубини алмаштириш ниятида эканини яширмаган. Энди «Ливерпуль»нинг қизиқиши трансфер учун рақобатни янада кучайтириши мумкин.
Насрулло Каримов
Журналист