«Ливерпуль» ПСЖ юлдузи билан шартнома имзоламоқчи
Футбол
Насрулло Каримов
Журналист
ФОТО: Getty Images
Англиянинг «Ливерпуль» клуби ПСЖнинг 22 ёшли ҳужумчиси Бредли Барколя билан шартнома имзоламоқчи. Бу ҳақда The Sun нашри хабар бермоқда.
Манбага кўра, мерсисайдликлар француз футболчисини сотиб олиш учун «Бавария» билан рақобатлашишга тайёр. Таъкидланишича, парижликлар вингерни 100 миллион фунтга баҳолаган.
Маълумот учун, Барколя ўтган мавсум барча турнирларда 58 та ўйинда майдонга тушиб, 21 та гол урди ва 19 та голли узатмани амалга оширди. Унинг Transfermarkt’даги нархи 70 миллион евро деб баҳоланмоқда.
