«Ливерпуль» ПСВ ярим ҳимоячисига қизиқмоқда
Унинг ПСВ билан шартномаси 2030 йилга қадар амал қилади.
ФОТО: Getty images
ПСВ ярим ҳимоячиси Пауль Ваннер «Ливерпуль»нинг келажакдаги трансфер мақсадларидан бирига айланди.
Transfer News Live нашри журналист Кристиан Фальк маълумотларига таяниб хабар беришича, мерсисайдликлар таркибни келажак учун кучайтириш вариантларини ўрганмоқда ва 20 ёшли австриялик футболчи ҳам номзодлар рўйхатидан жой олган.
Transfermarkt Ваннернинг бозор қийматини 22 миллион евро деб баҳоламоқда. Унинг ПСВ билан шартномаси 2030 йилга қадар амал қилади.
Ваннер 2025 йил ёзида «Бавария»дан 15 миллион евро эвазига Эйндховен клубига кўчиб ўтган. У ПСВ сафида жами 40 та учрашув ўтказиб, бешта гол ва бешта голли узатма муаллифи бўлган.
