«Ливерпуль» Мбаппенинг трансфери учун 250 млн евро сарфлашга тайёр
Transfermarkt футболчининг бозор қийматини 200 миллион евро деб баҳоламоқда.
Фото: Getty Images
Мадриднинг «Реал» клуби ҳужумчиси Килиан Мбаппе Англияга кўчиб ўтиши мумкинлиги ҳақида хабарлар тарқалмоқда. Teamtalk нашри журналист Франсуа Гальярдога таяниб хабар беришича, франциялик футболчини «Ливерпуль» ўз сафига қўшиб олишдан манфаатдор.
Потенциал трансфер қиймати 200–250 миллион еврони ташкил қилиши мумкин. Таъкидланишича, Мбаппени қўлга киритишдан АПЛнинг бир нечта клублари манфаатдор, аммо Килианнинг ўзи «Энфилд»га кўчиб ўтишни афзал кўрмоқда.
27 ёшли ҳужумчи 2024 йил ёзида «ПСЖ»дан «қироллик» клубига кўчиб ўтган. Килианнинг «қаймоқранглилар» билан шартномаси 2029 йил июнь ойи охиригача амал қилади. Transfermarkt футболчининг бозор қийматини 200 миллион евро деб баҳоламоқда.
