«Ливерпул» мавсумолди сафар ўйинида «Рексем» билан ўйнайди
Ушбу клуб Голливуд актёри Райан Рейнолдсга тегишли ҳисобланади.
ФОТО: Getty Images
Англиянинг «Ливерпул» клуби ёзги мавсумолди тайёргарлик сафари доирасида АҚШда Голливуд актёри Райан Рейнолдсга тегишли бўлган «Рексем» жамоаси билан учрашув ўтказади. Бу ҳақда The Athletic нашри хабар бермоқда.
Шунингдек, мерсисайдликларнинг АҚШдаги режасидан «Лидс Юнайтед» ва «Сандерленд» жамоаларига қарши ўйинлар ҳам ўрин олган. «Рексем» билан баҳс «Нью-Йорк Янкис» бейсбол жамоасининг уй стадионида бўлиб ўтиши кутилмоқда.
7 март куни «Рексем» Англия Кубоги нимчорак финалида Лондоннинг «Челси» клуби билан куч синашади. Ҳозирги вақтда Чемпионшипнинг 35 туридан сўнг «Рексем» 57 очко билан жадвалда олтинчи ўринни эгаллаб турибди.
«Ливерпул» эса АПЛ турнир жадвалида 29 ўйиндан кейин 48 очко билан бешинчи поғонада бормоқда.
Насрулло Каримов
Журналист