«Ливерпуль» мағлубиятга учраш бўйича Топ-5 чемпионатлар орасида рекорд ўрнатди
Мерсисайдликлар «Брайтон»га ютқазиб, Англия Лига Кубогини тарк этишди.
ФОТО: Getty Images
Англия Лига кубоги
29.10.2025, Як.
Ливерпул
0
Кристал Пэлас
3
Англия Лига Кубоги тўртинчи босқичида «Ливерпуль» ўз майдонида «Кристал Пэлас»га 0:3 ҳисобида имкониятни бой бериб қўйди. Шу тариқа, мерсисайдликлар сўнгги етти ўйиндан олтисисида мағлуб бўлишди.
Opta Sport маълумотларига кўра, 27 сентябрдан буён «Ливерпуль» Европанинг ТОП-5 чемпионатларидаги барча жамоалар орасида энг кўп мағлубиятга учраган клубга айланди.
Бу давр оралиғида «қизиллар» Премьер-лигада кетма-кет тўртта ўйинда имкониятни бой беришди — «Кристал Пэлас» (1:2), «Челси» (1:2), «Манчестер Юнайтед» (1:2) ва «Брентфорд» (2:3). Шунингдек, Чемпионлар Лигаси 2-турида «Галатасарай»га (0:1) ҳам мағлуб бўлишди.
Маълумот учун, бу даврдаги ягона ғалаба Чемпионлар Лигаси 3-тури доирасида «Айнтрахт» устидан 5:1 ҳисобида қўлга киритилган эди.
Насрулло Каримов
Журналист
