«Ливерпуль» Конате бўйича «Реал»нинг режаларини барбод қилмоқчи
Конате 2021 йилнинг ёзидан бери мерсисайдликларда тўп тепиб келади.
ФОТО: Getty images
“Ливерпуль” клуби “Реал”нинг Ибраҳима Конате бўйича режаларини барбод қилмоқчи. Бу ҳақда L’Equipe нашри хабар берди.
Манбага кўра, мерсисайдликлар 26 ёшли франциялик футболчи билан келишувга эришишга ишонмоқда. Конатенинг клуб билан амалдаги битими 2026 йилнинг ёзига қадар мўлжалланган.
“Ливерпуль” эса шартнома узайтириш бўйича келишувга эришиб, «Реал»нинг режаларини йўққа чиқармоқчи.
Мадрид клуби келаси йилда шартномаси якунига етган футболчини эркин агент мақомида ўз сафига қўшиб олмоқчи.
Эслатиб ўтамиз, Конате 2021 йилнинг ёзидан бери мерсисайдликларда тўп тепиб келади.
Розикжон Султонмуродов
Журналист
