«Ливерпуль» кийиниш хонасида муаммолар юзага келган – манба
“Ливерпуль” кийиниш хонасида жиддий муаммолар юзага келгани хабар қилинмоқда. Жамоадаги вазият бош мураббий Арне Слот ишидан норозилик ортиб бораётгани фонида кескинлашган.
The Touchline маълумотига кўра, мерсисайдликлар жорий мавсумда барча мусобақаларда 20 та мағлубиятга учраб, клуб тарихидаги энг ёмон натижалардан бирини қайд этди. Бу кўрсаткич Рафаэль Бенитес давридаги (19 мағлубият) антирекорддан ҳам ошиб кетган.
Манбага кўра, жамоадаги айрим футболчилар мураббийни алмаштириш анча аввал амалга оширилиши керак эди, деб ҳисобламоқда.
Шу билан бирга, Арне Слот вазиятни тўғрилашга ишонаётгани ва жамоанинг ишончини қайта қозонишга ҳаракат қилаётгани айтилмоқда. Бироқ “Ливерпуль”даги бир қатор етакчи футболчилар нидерландиялик мутахассисдан қаттиқ норози экани таъкидланмоқда.
