«Ливерпул» Кезанинг келажаги борасида қарорини ўзгартирди
Англиянинг «Ливерпул» клуби раҳбарияти италиялик ҳужумчи Федерико Кезанинг келажаги борасида дастлабки режасини ўзгартирди. Бу ҳақда Football Insider нашри хабар бермоқда.
Манбага кўра, аввалига 27 ёшли вингер январ ойида клубни тарк этиб, бошқа жамоада мунтазам ўйин амалиётига эга бўлиши кутилганди. Бироқ ҳозирда мерсисайдликлар уни жамоада сақлаб қолиш тарафдори бўлиб турибди. Бунга футболчининг сўнгги ўйинлари сабаб бўлмоқда.
Эслатиб ўтамиз, Кеза 2024 йилнинг ёзидан буён «Ливерпул»да тўп сурмоқда. У жорий мавсум барча турнирларда 6 та ўйинда майдонга тушиб, 2 та гол урди ва 2 та голли узатмани амалга оширди.
Италиялик вингернинг мерсисайдликлар билан тузган амалдаги шартномаси 2028 йилнинг ўрталарида якунга етади. Transfermarkt маълумотларига кўра, Кезанинг бозор қиймати 14 миллион еврони ташкил этади.
