\"Ливерпуль\" Гордон учун 100 млн евро сарфлаши мумкин
Фото: Getty Images
"Ливерпуль" "Ньюкасл" вингери Энтони Гордонни сотиб олишга жиддий қизиқиб қолди.
The Sun нашри тарқатган хабарга кўра, “қизиллар” 24 ёшли инглизни ёзги трансферлар даврида асосий мақсад сифатида кўришмоқда.
Манбага кўра, "Ливерпуль" футболчи учун 100 млн евро сарфлашга тайёр. Клуб раҳбарияти Гордонни бу мавсум кетиш умидида бўлган Луис Диасга ўринбосар сифатида кўрмоқда.
Ўтган мавсум Энтони барча мусобақаларда 42 та ўйинда қатнашиб, 9 та гол урган ва 7 та ассист амалга оширган. Transfermarkt портали маълумотига кўра, унинг нархи 65 миллион еврони ташкил қилади.
