«Ливерпул» Гехига альтернатив сифатида икки ҳимоячини кўриб чиқмоқда
Мерсисайдликлар қишки трансферлар вақтида ҳимоя чизиғини мустаҳкамлашни мақсад қилган.
ФОТО: Getty Images
«Ливерпул» скаутлари Марк Гехи трансфери амалга ошмай қолган тақдирда муқобил вариантларни кўриб чиқмоқда. Бу ҳақда Daily Mail хабар бермоқда.
Манбага кўра, мерсисайдликлар эътибор қаратётган футболчилардан бири — «Брюгге» сафида тўп сурётган 21 ёшли Хоэл Ордоньес. Иккинчи номзод эса Эквадорнинг «Independiente del Valle» клуби ҳимоячиси, атиги 16 ёшли Дейнер Ордоньес.
Аввалроқ инсайдер Фабрицио Романо Ордоньеснинг Англия чемпионатидаги бошқа клуб — «Челси»га ўтишга яқин турганини маълум қилганди.
Шунингдек, Марк Гехининг «Кристал Пэлас» билан амалдаги шартномаси келаётган ёзда якунланади. Ҳимоячига Мадриднинг «Реал» клуби томонидан ҳам қизиқиш билдирилаётгани хабар қилинганди.
Насрулло Каримов
Журналист
