«Ливерпуль» Гакпони «Манчестер Сити»га 99 млн еврога сотишдан бош тортди

«Ливерпуль» ҳужумчиси Коди Гакпони «Манчестер Сити»га сотиш бўйича таклифни рад этди. Манчестер клуби нидерландиялик футболчи учун 99 млн евро атрофидаги пакет таклиф қилгани ҳақида хабарлар тарқалган эди.

«Сити» Гакпо билан шахсий шартнома бўйича келишувга яқинлашган бўлса-да, трансфернинг амалга ошиши «Ливерпуль»нинг розилигига боғлиқ эди. Мерсисайдликлар эса футболчини қўйиб юборишдан олдин унинг ўрнига муносиб алмаштирувчи топишни талаб қилган.

«Ливерпуль» Гакпони сақлаб қолишга қарор қилган. Клуб трансфер ойнасининг сўнгги соатларида футболчини сотиш учун етарлича вақт қолмаганини ҳисобга олган.

Гакпо 2023 йил январь ойида «ПСВ»дан «Ливерпуль»га кўчиб ўтган. У мерсисайдликлар сафида 182 та учрашувда 51 та гол ва 24 та ассист қайд этган.

Розикжон Султонмуродов

Журналист

0 0 0 0 0 0