\"Ливерпуль\" Фримпонг учун 35 млн евро тўлаган
Инглиз клуби ҳимоячи билан узоқ йиллик шартнома имзолади
Фото: Getty Images
“Ливерпуль” клуби “Байер” ҳимоячиси Жереми Фримпонг трансферига қанча пул тўлагани маълум бўлди.
Инсайдер Фабрицио Романонинг хабарига кўра, “қизиллар” 24 ёшли нидерландиялик қанот футболчиси трансферига 35 млн евро сарфлаган. Тўловлар уч босқичда амалга оширилади.
Аввалроқ мерсисайдликлар ҳимоячи учун 40 млн еврога тўлагани ҳақида хабарлар тарқалганди.
Ўтган мавсумда Фримпонг барча турнирларда 48та ўйинда майдонга тушиб, 5та гол урди ва 12та ассистни амалга оширган.
