\"Liverpul\" Frimpong uchun 35 mln yevro to‘lagan
Angliya klubi himoyachi bilan uzoq yillik shartnoma imzoladi
Photo: Getty Images
“Liverpul” klubi “Bayer” himoyachisi Jeremi Frimpong transferiga qancha pul to‘lagani ma’lum bo‘ldi.
Insayder Fabritsio Romanoning xabariga ko‘ra, “qizillar” 24 yoshli niderlandiyalik qanot futbolchisi transferiga 35 mln yevro sarflagan. To‘lovlar uch bosqichda amalga oshiriladi.
Avvalroq mersisaydliklar himoyachi uchun 40 mln yevro to‘lagani haqida xabarlar tarqalgan edi.
O‘tgan mavsumda Frimpong barcha turnirlarda 48ta o‘yinda maydonga tushib, 5ta gol urdi va 12ta assistni amalga oshirgan.
