«Ливерпуль» «Энфилд»даги 1500-ғалабасини қўлга киритди
Ҳозирда мерсисайдликлар АПЛ турнир жадвалида бешинчи ўринни эгаллаб турибди.
ФОТО: Getty Images
«Ливерпуль» Англия чемпионати доирасида ўзининг уй стадиони «Энфилд»да 1500-ғалабасини қўлга киритди. Бу ҳақда мерсисайдликлар расмий сайти хабар бермоқда.
Клуб ушбу кўрсаткичга АПЛнинг 32-туридан ўрин олган Лондоннинг «Фулҳэм» жамоасига қарши баҳсда (2:0) эришди. Маълумот учун, «Энфилд»даги илк ғалаба 1892 йилнинг 3 сентябрь куни қайд этилган бўлиб, ўшанда «қизиллар» «Хайер Уолтон»ни 8:0 ҳисобига мағлуб этган.
Ҳозирги вақтда «Ливерпуль» 52 очко билан Англия чемпионати турнир жадвалида бешинчи поғонани эгаллаб турибди. Мерсисайдликлар навбатдаги турни 19 апрель куни сафарда «Эвертон»га қарши ўтказишади. Жамоанинг АПЛ доирасидаги кейинги уй учрашуви эса 25 апрель куни «Кристал Пэлас»га қарши бўлиб ўтади.
Насрулло Каримов
Журналист