«Ливерпул» «Энфилд»да мағлуб бўлиш бўйича янги антирекорд ўрнатди

Opta’нинг хабарига кўра, «Ливерпул» жорий мавсумда уч бор уч тўп фарқи билан мағлубиятга учради — бу клубнинг 1929/30-йилги антирекордини такрорлашдир.

«Энфилд»да «қизиллар» Чемпионлар лигасида «PSV»га 1:4, АПЛда «Ноттингем Форест»га 0:3, Англия Кубогида эса «Кристал Пэлас»га 0:3 ҳисобида ютқазди.

Умуман олганда, «Ливерпул» бу мавсум тўққиз марта мағлуб бўлган. Ҳозирча Арне Слот жамоаси Англия Премьер-лигаси турнир жадвалида 12-ўринни эгаллаб турибди.

Кейинги турда «Ливерпул» ички чемпионатда «Вест Хэм»га қарши майдонга тушади. Таъкидлаш жоиз, «қизиллар» мамлакатнинг амалдаги чемпиони ҳисобланади.

Насрулло Каримов

Журналист