«Ливерпул» эгалари Ла Лига қоидалари сабаб «Хетафе»ни сотиб олишдан бош тортди
Қайд этилишича, инвесторлар молиявий фейр-плей қоидаларидан чўчиб қолишган.
ФОТО: Getty Images
Американинг Fenway Sports Group (FSG) компанияси, Англиянинг «Ливерпул» клуби эгаси, Испаниянинг «Хетафе» жамоасини сотиб олиш режасидан воз кечди.
Marca нашрининг ёзишича, инвесторлар Ла Лига талаблари сабаб илгари бошланган музокаралардан чиқиб кетган.
Манбага кўра, америкаликлар Испания чемпионатида амал қиладиган қатъий молиявий фейр-плей қоидаларидан чўчиб қолган.
Аввалроқ FSG «Red Bull» компаниясиникига ўхшаш мульти-клуб тизими яратмоқчи экани ҳақида хабарлар тарқалганди.
Ла Лиганинг 12-туридан кейин «Хетафе» 17 очко билан мусобақа жадвалида 8-ўринни эгаллаб турибди. Сўнгги турда Хосе Бордалас шогирдлари сафарда «Мальорка»га 0:1 ҳисобида мағлуб бўлди.
Насрулло Каримов
Журналист