«Ливерпуль» де Йонг учун 40 млн евро таклиф қилди
Ярим ҳимоячининг «Барселона» билан амалдаги шартномаси 2029 йил ёзига қадар мўлжалланган.
ФОТО: Getty images
«Барселона» ярим ҳимоячиси Френки де Йонгга «Ливерпуль» қизиқиш билдирмоқда. Бу ҳақда El Nacional нашри хабар берди.
Манбага кўра, Англия клуби нидерландиялик футболчи учун «Барселона»га 40 миллион евро таклиф қилган, аммо рад жавобини олган.
Шу билан бирга, каталонияликлар де Йонгни сотиш имкониятини кўриб чиқишга тайёр. Бироқ «Барселона» камида 70 миллион евролик таклиф тушган тақдирдагина музокарага киришмоқчи.
Жорий мавсумда 29 ёшли де Йонг ҳали бирорта ўйинда майдонга тушмади.
Ярим ҳимоячининг «Барселона» билан амалдаги шартномаси 2029 йил ёзига қадар мўлжалланган. Transfermarkt портали унинг трансфер қийматини 35 миллион евро деб баҳоламоқда.
