«Ливерпул» Чемпионлар Лигасига чиқа олмаса 120 миллион фунтдан қуруқ қолиши мумкин
Ҳозирда мерсисайдликлар АПЛ турнир жадвалида 5-ўринни эгаллаб турибди.
ФОТО: Getty Images
«Ливерпул» жорий мавсум якунларига кўра Чемпионлар Лигасига йўлланма ололмаса, 120 миллион фунт стерлинг миқдоридаги даромаддан маҳрум бўлиши мумкин. Бу ҳақда BBC хабар бермоқда.
Манбага кўра, Европанинг энг нуфузли клублар турнирида иштирок этмаслик мерсисайдликлар даромадининг сезиларли даражада камайишига олиб келади. Бироқ, ўтган ёзги трансфер ойнасдаги катта харажатларга қарамай, клубдаги молиявий ҳолат барқарорлигича қолмоқда.
Айни дамда «Ливерпул» 48 очко билан Англия Премьер-лигаси турнир жадвалида бешинчи ўринни эгаллаб турибди. Чемпионлар Лигасининг жорий мавсумида жамоа умумий босқич якунларига кўра учинчи ўринни эгаллади ва нимчорак финалда «Галатасарой» билан баҳс олиб боради.
Насрулло Каримов
Журналист