«Liverpul» Chempionlar Ligasiga chiqa olmasa 120 million funtdan quruq qolishi mumkin

«Liverpul» joriy mavsum yakunlariga ko‘ra Chempionlar Ligasiga yo‘llanma ololmasa, 120 million funt sterling miqdoridagi daromaddan mahrum bo‘lishi mumkin. Bu haqda BBC xabar bermoqda.

Manbaga ko‘ra, Yevropaning eng nufuzli klublar turnirida ishtirok etmaslik mersisaydliklar daromadining sezilarli darajada kamayishiga olib keladi. Biroq, o‘tgan yozgi transfer oynasidagi katta xarajatlarga qaramay, klubdagi moliyaviy holat barqarorligicha qolmoqda.

Ayni damda «Liverpul» 48 ochko bilan Angliya Premyer-ligasi turnir jadvalida beshinchi o‘rinni egallab turibdi. Chempionlar Ligasining joriy mavsumida jamoa umumiy bosqich yakunlariga ko‘ra uchinchi o‘rinni egalladi va nimchorak finalda «Galatasaroy» bilan bahs olib boradi.

Nasrullo Karimov

Jurnalist